தலைப்புச் செய்திகள்


BSNLEU காரைக்குடி மாவட்டச் சங்கம் தங்களை வணங்கி வரவேற்கிறது!
தங்களின் தோழமையுள்ள,
M.பூமிநாதன்
, மாவட்டச் செயலர்
P.மகாலிங்கம், மாவட்டத் தலைவர்

Wednesday 26 February 2014

செய்தித் துளிகள் . . .




28.02.2014 அன்று அமைச்சரவைக் கூட்டம்
28.02.2014 அன்று அமைச்சரவைக் கூட்டம் நடைபெற உள்ளது. BSNL - MTNL இணைப்பு, அவற்றின் புத்தாக்கம் மற்றும் நிதி ஆதார உதவி போன்றவற்றில் முக்கிய முடிவுகள் எடுக்கப்படலாம் என்று எதிர்பார்க்கப்படுகிறது.
அனைத்துச் சங்கங்களின் கூட்டமைப்பு (FORUM OF BSNL UNIONS AND ASSOCIATIONS) சார்பில் இவை தொடர்பான நமது கருத்துக்கள், கோரிக்கைகள் பிரதமர், நிதி அமைச்சர், தொலைத்தொடர்பு அமைச்சர், DoT செயலர், CMD BSNL ஆகியோருக்கு அளிக்கப்பட்டிருக்கிறது.
நமது கோரிக்கைகள் மீது உரிய முடிவுகள் எடுக்கப்படவில்லையென்றால் நாம் போராட்டத்தைத் துவக்குவதைத் தவிர வேறு தீர்வு இல்லை.


கற்பனைக் கடன் ரத்து
BSNL நிறுவனம் உருவாக்கப்பட்டபோது, 15 ஆண்டுகாலக் கற்பிதமான கடனாக (NOTIONAL LOAN) 7500 கோடி என்று நம் மீது திணிக்கப்பட்டது. அதாவது கடன் வாங்காமலேயே கடன் வாங்கியதாகவும் அதற்கு ஆண்டுதோறும் தவணைத் தொகையும், வட்டியும், அபராத வட்டியும் கட்ட வேண்டும் என்று BSNL நிர்ப்பந்திக்கப் பட்டது. அதன்படி தற்போது கட்ட வேண்டிய நிலுவைத்தொகை 983 கோடி ஆகும்.
28.02.2014 அன்று நடைபெற இருக்கின்ற அமைச்சரவைக் கூட்டத்தில் இந்த பாக்கிக் கடன் தொகையை ரத்து செய்ய முடிவு எடுக்கப்படலாம் என்று BUSINESS LINE பத்திரிகைக் குறிப்பு தெரிவிக்கின்றது.